المطابخ الالوميتال والخشمونيوم

كتير من الناس بتسأل عن المطابخ الالوميتال والخشمونيوم والاكريلك والبوليلاك والبي فى سى والبوست فورمينج واليوفى ده غير طبعا الاخشاب الطبيعية وانواعها......

النهاردة هنتكلم عن المطابخ الالوميتال والخشموني

وكيفية حساب المطبخ بالطرق المختلفة فى السوق المصرى وده بطريقة المتر المربع والمتر الطولى ونظام الوحدات 

السؤال الاول
ماهو تكوين المطبخ الاوميتال؟؟
يتكون المطبخ الالومنيوم من
الجسم الخارجي وده هو قطاع الالومنيوم
الجسم الداخلي (الحشو):وده إما يكون فيبر جلاس أو
زجاج او شيت الومنيوم
السؤال التاني
ماهي انواع المطابخ الالومنيوم؟؟

يوجد عدة انواع للمطابخ الالومونيوم
مطبخ الوميتال باللون الطبيعي للالومنيوم اللى هو السيلفر
مطبخ الوميتال الوان ساده:جميع الالوان
مطبخ الوميتال بلون الخشبي:وهو مايطلق عليه خشمنيوم
والجديدمطابخ الوميتال بالرسوماات الكمبيوتر

السؤال التالت
ماهو الفرق بين المطبخ الالوميتال والخشمنيوم؟؟
ده سؤال مهم جدا
الالوميتال والخشمنيوم الخامات بتاعتهم واحدة
طب ايه الي بيفرق مابينهم
((((اللووووووووون))))
ايوه اللون الخارجي فقط
الجسم الخارجي اللي هوه الالومنيوم لما يترش في الفرن بودرة الكتروستتك 
لاما يترش الوان ساده لاما يترش الوان خشبيه
تحسي من الوهله الاولى ان المطبخ ده خشب مش الوميتال
ملحوظه هامه جدااااااا
بنات كتيره فاكره ان الخشمنيوم ده الوميتال وخشب
معلومه خاطئه 

والصح بقه ايه؟؟؟؟

المطبخ الخشمنيوم هوه الوميتال(الجسم الخارجي) مرشوش خشمنيوم زى ماقلنا الوان خشبية مجرد الوان
والجسم الداخلي(الحشو)لاما فيبرجلاس اوزجاج 

السؤال الرابع
ماالذي يميز الالومنيوم عن باقي المعادن الاخري؟؟
دخل الالومنيوم في مجالات كثيره
في التصنيع الخارجي للعمارات والفلل وهذا يسمي

((كلادينج وكريتن وول))) ))
الاعمال الداخليه للبيووت

(تقسيم غرف-غرف-ابواب -شبابيك- مطابخ -دواليب خزين -لوحات)) .......المهم 
يعتبر الألمنيوم من أكثر المعادن تواجداً على سطح الكرة الأرضية في الهواء والتربة. ومن خواصه خفة الوزن، غير ممغنط، يشبه الفضة في اللون، جيد التوصيل للحرارة والكهرباء، ولا يستخدم بمفرده وإنما تضاف إليه معادن أخرى لكي تحسن من خواصه 

يستخدم على نطاق واسع في منتجات عديدة في حياتنا اليومية في أدوات المطبخ، الأثاث، لعب الأطفال، أجزاء في الطائرات والصواريخ، كما أن رقائق الألمنيوم الشهيرة بالفويل تستخدم في المطبخ للف الأطعمة. كما أن لخفة وزن الألمنيوم أهمية كبرى في جميع التطبيقات التي تتعرض للحركة
الألمنيوم كمادة بناء يعتبر  معدن العصر الحديث لتمتعه بمزايا لا تتمتع بها المعادن الأخرى، فهو يتفوق على الحديد والخشب بمسافات طويلة. ولقد تعددت استخدامات الألمنيوم فأصبح يدخل في الواجهات والأبواب والنوافذ

والقواطع وخلافه. وهناك عدة قواعد يجب العمل بها عند تحديد استخدام الألمنيوم في تشكيلات البناء، والهدف الذي يصل بتلك التشكيلات إلى درجة قريبة من الكمال وذلك من حيث الاختيار للشكل واللون والمكان والإضاءة

..
السؤال الخامس

ايه الي يخليني اعمل مطبخ الوميتال او خشمنيوم؟؟

مميزات كتيره اهمها على الاطلاق
بيتحمل درجات الحراره العاليه في المطبخ
لايتاثر بالماء تماما
سهل تنظيفه اكتر من الخشب بكتير
لايدخل له حشرات ولافئران لانه مش بيئه مناسبه ليهم
تكلفته المناسبة للجميع

يعمل تحت اصعب اعمال

(((((((الحشو الداخلي للمطبخ)))))))
زى ماقلنا كدة الحشو ياإما فايبر جلاس أو زجاج أو شيت ألومنيوم

في ناس ممكن تدخل في حشو المطبخ بدل الانواع دى من الخامات
               ((((الميلامين)))))
دي ياجماعه لمابيتعمل منها الجسم الداخلي للمطبخ
ايه اللي بيحصل؟؟؟؟
الميلامين بيمتص الميه وده مش من مميزات الفيبر او الالومنيوم او الزجاج
فبيحصل ايه؟؟؟؟
(((بينفش)))
ايوه بينفش وتلاقي الحشوة بتاعت ضلف المطبخ بتشرخ 
وطبعا الخساره والف خساره ان في ناس بتعمل كده
يبقي لازم ناخد بالنا...........

السؤال السادس

ايه الفرق بين المتر المربع( المسطح) والمتر الطولى ونظام الوحدات؟؟؟

المطبخ ياجماعة بيتكون من وحدات سفلية ووحدات علوية ودواليب إتفقنا ؟ عمق الجزء السفلى 60سم وارتفاعه 90سم والوحدات العلوية عمقها 32سم وارتفاعها مابين 75 و 80 سم انا بتكلم على المقاسات الاستاندرد بغض النظر عن لو حد عايز يعمل مقاسات خاصة طيب المتر المربع بيضرب العرض فى الارتفاع يعنى مثلا لو الجزء السفلى عرض متر واحنا اتفقنا ان الارتفاع 90سم كدة الناتج يكون متر فى 90سم يساوى 90سم ينضرب فى سعر المتر يطلع كام فلوس أما المتر الطولى مابيراعيش الارتفاع بمعنى ان لو الجزء السفلى لو عرضه متر يتحسب متر مش 90سم زى المتر المربع ده بالنسبة للمتر المربع والمتر الطولى أما نظام الوحدات فدى اخر ابتكارات التجار يعنى مايريحكش لما تسأله المتر بكام يقولك بالوحدة يافندم طب يعنى المطبخ هيتكلف كام يرد ويقولك بعد التصميم يافندم طب انا عامل ميزانية وعايز أعرف هتناسبنى ولا لا بعد التصميم حضرتك وده باختصار معتمد على الاتى وحدة المطبقية بسعر ووحدة الادراج بسعر ووحدة الانبوبة بسعر وهكذا بغض النظر عن المقاسات والارتفاعات والملخص ان اقرب وأنسب وأوفر  تمتير للواقع واللى تعرف تحسبه بنفسك هو المتر المربع ثم الطولى

أما الثبات على الاتفاق بين العميل والمنفذ

بالنسبة لدقة التنفيذ بعض الشركات او الاشخاص يتعاملون مع العميل على أنه يتفهم كافة التفاصيل من مقاسات وطبيعة الخامات والدهانات دون توضيح أو تبسيط للموضوع

 والمصطلحات الفنية للعميل وذلك إما عن طريق عدم وجود المنتج المراد شراؤه معروض أو تصميم واضح وصريح يبين ويشرح ويظهر كل التفاصيل وإن كانت داخلية مثل نوع المفصلات وطبيعة الاخشاب على سبيل المثال أو أن الشخص الذى يقوم بشرح كيفية التنفيذ غير كفؤ أو للاسف أن يكون هذا الشخص غشاش ويتحمل العميل جزء من عدم دقة التنفيذ لعدم تحريه التفاصيل والسؤال عن كل شئ قبل التنفيذ أو حتى البحث على الانترنت عن هذا المنتج الذى يود شراؤه أو المكان أو الشخص الذى ينوى التعامل معه ودقة التنفيذ تتطلب أحيانا ان ترى منتجك فى غالبية مراحله بداية من التصميم مرورا بالتنفيذ ( التصنيع) مرورا بالدهانات حتى يصل الى مرحلته الاخيرة وهى تركيب اللاكسسوارات الداخلية والمقابض (الفينيش) إلا إذا كنت تتعامل مع شخص او مكان يتمتع بسمعة طيبة فى هذا المجال فحينها لاداعى لان ترى منتجك الا داخل منزلك......

أما بالنسبة لجودة التنفيذ فترجع إلى الخامات المستخدمة والايدى العاملة فى هذه الخامات (الصنعة) فمن الممكن ان تكون الخامات جيدة ولكن التنفيذ سئ فهنا لايوجد غش ولكن هى قلة امكانيات ومصداقية وخبرة للمكان........

وإليك إختبار بسيط للبائع الذى يتعاقد معك إسأله هل من الممكن احضار المنتج الخاص بك قبل مرحلة الدهانات مثلا من المصنع الى المعرض وتصطحب معك مهندس مثلا كى يطمئن قلبك من حيث المقاسات وجودة الخامات المتفق عليها؟؟؟ مادام هناك إتفاق محدد..... ولا تنتظر رده انظر إلى رد فعله إن كان واثقا من منتجه 100% او حتى 95% فلن يرفض هذا الطلب ولن يضيق صدره من طلبك وليس هو كشخص انما هو كمكان او ادارة.......

نأتى لمواعيد التنفيذ من الملاحظ أن كافة الاشخاص المقبلين على شراء الاثاث فى مصر إبلاغ المكان الذى يشترون منه بميعاد قبل الموعد الحقيقى المناسب له بفترة كبيرة حتى يضمن انه حتى ولو تأخر ميعاد التسليم مدة قصيرة فلا بأس ولكن الافضل أن يكون الاتفاق او العقد متضمن شرط جزائى على الطرفين العميل والمكان بأنه فى حالة تأخر التسليم من البائع أو الاستلام من العميل فيتم احتساب قيمة مالية معينة تجنبك الوقوع فى هذا الموقف السئ جدا والذى احيانا يدفع بعض العملاء للتغاضى عن امور كثيرة بالنسبة لدقة وجودة التنفيذ علشان عايز يخلص..........

أما الثبات على  الاتفاق بين العميل والمنفذ بالنسبة  لتكلفة للمنتج من وقت التعاقد حتى التسليم.....

فكثيرا مانجد بعض التجار والمعارض لايحسنون حساب نسبة ربحهم جيدا حين الاتفاق او أن مثلا قيمة الخامات إرتفعت بعد الاتفاق أو أى شئ فيبدأ فى التحايل عند التسليم فى عدة بنود لم تكن موجودة عند التعاقد مثل حساب تكلفة النقل والمشال والتركيب أو اضافة تكاليف عناصر كان من المفترض مدفوع حسابها  أو اى شئ اخر......... فلابد ان تضع كل النقاط على الحروف فى كافة التفاصيل عند تعاقدك على منتج معين ولابد أن تقرأ كثيرا وتبحث عن طبيعة المنتج الذى تود تنفيذه وعن سمعة المكان الذى ستذهب اليه واستشارة اشخاص مهتمون او متخصصون او من المشترين لهذا المنتج.......

وفى النهاية حاولنا أن نوضح معنى كلمة عمولة فى الاثاث المنزلى عامة والمطابخ خاصة وحرصنا أن نظهر لكم بعض النقاط الايجابية والسلبية أيضا عن العمولة.....

انتظرونا فى مقالات اكثر تعمقا فى مجال المطابخ والاثاث المنزلى.........